Wīdais appun

Pawīda

Iz Prūsiska Wikipēdija
'''Ēwas Pōlka''' (ōriginalai '''''Ievan Polkka''''') - [[sōmiska bilā|sōmiska]] grīma, zinātan galwai dīnka gruppin ''Loituma''. Per tradiciōnalin melōdijan Eino Kettunen peisāi wīrdans en 1930 mettu.

===Ēnturs===
Grīmika gērba ezze [[Ēwa]]n, kwāi ni mazēi ēitwei dancautun prei swāise kaimīnas audāsenin, tenesses mūtis paggan. Ēwa ausmittina iz buttan be erzināi wāikan, en kawīdsmu tenā dīwai enmīli si. Pa audāseņu tenēi drāugi etwartinna si buttai. Stwen tenēi wīda Ēwas mūtin, kwāi ast spārtai ernertītan. Wāiklis ēmpiri sen mērgan emprīkistalāi prīki mūtin.

===Bilā===
Grīmika bēi peisātan en Savō dialaktu, kawīds deznimai šlaitinna si ezze sōmisku. 

===Lōitumas wersiōni===
Ši wersiōni pastāi perlazīntan en 2006. Wersiōni bēi labbai zinātan en [[Sōmija]]i be [[Mackālija]]i, adder ilgai ni pastāi pōpularan en swītu. Stāsenis kitawīdina si, kaddan prei muzīkin pastāi preidātan bewangiska animaciōni - īmtan iz pōpularan anime ''Bleach''. Filmiks dīwai pastāi internettas widāsnaswertīngiskwan. Stan bēi spārtai prasta animaciōni, pawaidinānti smejānti si mērgan sen purējas lōkan.
===Kittas wersiōnis ===
Matti Jurva (1937)
Jorma Ikävalko (1950)
Arttu Suuntala (1966)
Pauli Räsänen (1972)
Kuplettiryhmä (1998)
Hatsune Miku (2005)
Korpiklaani (2012)
===Prūsiskas tulkausenis ===
Pōlka prei kaimīnan pagaūtan - <br>
As ēima dancautun, etwestun si.<br>
Ēwa pra mūtin pastāi preiklaūtan<br>
Bīga prēipaus, tit segēi stan di.<br>
Kas pakluslai mūterei bītai<br>
Kaddan tuldīsnas kīsmus perēit<br>
Kas pakluslai mūtrerei bītai<br>
Kaddan tuldīsnas kīsmus perēit.<br>

Ēwa si smejja, perarwi deiwūtan<br>
Zmūnei tenessei labban kwaitēi.<br>
Wismu ast kāitai, wissan ast pūtan -<br>
Wāiklu šlaitīnsnan stan ni segēi<br>
Kasmu gadīnlai prakaīsnas lāsas<br>
Kaddan tuldīsnas kīsmus perēit <br>
Kasmu gadīnlai prakaīsnas lāsas<br>
Kaddan tuldīsnas kīsmus perēit <br>

Ēwas mūti en stubbai palāika<br>
Be sebbei kērdan pawīrpan dāi<br>
Duktei ast lāngu buccautun wāikan<br>
Kaimīnas buttan preistalāi.<br>
Kas gi klausīlai wūrans zmūnins<br>
Kaddan tuldīsnas kīsmus perēit<br>
Kas gi klausīlai wūrans zmūnins<br>
Kaddan tuldīsnas kīsmus perēit<br>

Kaddan muzīki jāu autussa<br>
Maldūni neikaūsnan īnsan segēi <br>
En buttan engūbi pūran nūsan <br>
Mūtin aupalla, en nertei bēi <br>
Bilāi as Ēwai ni bijjais mūtis <br>
Beggi šis kīsmus dīwai praēit <br>
Bilāi as Ēwai ni bijjais mūtis <br>
Beggi šis kīsmus dīwai praēit <br>

Krīksti prei mūtin: karwaūkan stalinnais <br>
Ik ni kwaitīlai gadīntan pastāt! <br>
Ēwan bajjintun tēnti wanginnais <br>
Kwāimai stwi būtwei īr ik ast lāt! <br>
Wakītun trīnan wāiklis mazzi <br>
Kaddan tuldīsnas kīsmus perēit <br>
Wakītun trīnan wāiklis mazzi <br>
Kaddan tuldīsnas kīsmus perēit <br>

Prābutiskan ast nūse mīlin <br>
Ni mazzi tū nika prīki segīt<br>
Pas Ēwan mazīlai ēitwei na sillin<br>
Be ērgi gallin tennan laukīt!<br>
Wāiklis nikweigi ni ast dūran<br>
Kaddan tuldīsnas kīsmus perēit<br>
Wāiklis nikweigi ni ast dūran<br>
Kaddan tuldīsnas kīsmus perēit<br>
===Autengīnsenei===
http://www.youtube.com/watch?v=1ygdAiDxKfI

[[Category: Muzīki]]
Etwartinnais si en pāusan Ēwas Pōlka.
Aps: "http://wikipedia.prusai.org/wiki/%C4%92was_P%C5%8Dlka"
Pawīda

Nawigaciōni

Laukīs

Pagaptis

Persōniskas pagaptis
