Autrīmpus

Iz Prūsiska Wikipēdija
Sākais en: nawigaciōni, laukīsna

Autrīmpus - prūsiska dēiwista, aīns iz dwāi, pagār Dēiwan Ukapirman, swītas kreatōrans. Dēiws stesse timran dāngus pāusan. Dāngus ast ōceans ebzūrginants nūsan swītan, Autrīmpus ast dīgi jūres be azzaras gilluwan Dēiws. En swītu ast aktīwan pra swajjans hipōstazins: Patrīmpan be Pikullin. Autrīmps ast pertreptan kāigi debs angzdris - angzdrin kunnegs, kawīds buwinna en rūmu na debbas azzaras dubnan. Tenesse laītawiskas emmens ast Andajus.

Swītas teikasnā

Autrīmps be Dēiws bēi na adlin na praōceanan, kaddan šlāit ōceanas wīrsawiskwas ni bēi nika. Autrīmps imāntei kērkas wīdan ast nirruns be preipīduns matērijas delīkan, kawīdan pra Dēiwan pastāi mūisesintan ērgi šandēinas swītas debban.

Adli ast tēr mitalōgijas delīks. Faktiskai ekzistijja tēr wīrsawisku be Autrīmps be Dēiws bēi swajāi etswāikstisnans en di.

Gallas ebwarisnā

Autrīmpus bēi ergalīntan pra swajjas gennas brātins (dirēis gērban ezze Adlin - Angzdrin Kunneginin). Newīnis dēinas wērau tenesse pints en zemman swītan kwēi tans ast ebwarīwus gallin be enwaldīwuns zemman swītan kāigi Pikuls. En Laītawai wissas newīnis dēinas stesses Paskin be Debban Sawaītin turri swajjans baltiskans emnins. Sta ast palīgu Ōdinas subaupperausnan en germāniskai mitalōgijan - Autrīmpus kāigi wisawaīsnas dēiws gūbuns īmtun šan gallin aumenewīngi. Autrīmpas kraujā ast teikāwusis swajjan āntran, aktīwan hipōstazin - Patrīmpan.

En kitēimans billins
Persōniskas pagaptis