Busbunki

Iz Prūsiska Wikipēdija
Sākais en: nawigaciōni, laukīsna
Busbunki

Busbunki (gramēiskis, drōmedars) Melolontha melolontha - grambūlis pērgimi iz pōseimin stēisan būnkiskan. Spārtai palīgu meddesbunkei. Skrāida en bītans en zallawan, sīmenin, ainuntkaddan dīgi en līpas pagaūsenin. Izlaīde dēinan en lappan garrins.

Pērgimis glaubāi

Ilgan 25-35 mm, ebskrittan, ēnilgan, kīrsnan sen gaīlins mīlinans na grawwans. Warewīngis greūzants aparāts. Larwis - gaīlai stārai kanipai giwīntei en zemmei. Kanipai be būnkis zēimaui en aīnas mētras gilliskwai. Enbūwina pastippan Eurāzijan.

Etwijāsnas cīklas

En zallawan genīka lazinna 15-20 pāutans en ezze si kaptasmu kurridaran, 10-15 cm ilgan be aulaūja en sīmenu lazinnušas zūrgi 80 pāutans. Pa trīns sawaītins gemma larwis, kawīdai praēit pra trīns stadījans en trīns mettans. En tīrtasmu mettan en daggas wangan tenēi wīrst en eraūgusins grambūlins, kawīdai izēit iz zemmin en ripīntis mettas zallawan.

Lāndan

Busbunki maitāi si sen lappans stēisan lappan garrin, be kanippai īst saknins stēisan zālin, kīrnan be garrin. En bulwins be rūnkelins tenēi izgreūza prālins. En pirman be āntran stadījan tenēi īst aulaūwusis aūgmenins be saknins, tēr en tīrtasmu stādijan tenēi īst gīwans aūgmenins.

Dabber en XX-tasmu mettasimtan pagaūseņu en Prankrīkei be Hesijai pagattawina dei zuppin ezze busbunkimans.

Persōniskas pagaptis