Deklaraciōni stēisan gīmtan amzin tikrōmin

Iz Prūsiska Wikipēdija
Sākais en: nawigaciōni, laukīsna

Deklaraciōni stēisan gīmtan amzin tikrōmin (ēng. Declaration on the Rights of Indigenous Peoples) - Deklaraciōni stesses PAO ezze gīmtan amzin tikrōmins, enīmtan en 2006 mettan na pirman sīndausnan stesse PAO Zmūnes Tikrōmis Wāitin en Genewai be ripīntei enīmtan pra PAO Empīriniskan Senrīnksenin en 13 spallinan 2007 mettas.

Enīmsnas istōrija

Deklaraciōnis prōjaktan ebtarītan en 2006 bēi ilgai gēistan pra 310 miliōnan zmūnin iz kīrsa 70 tautāmans bēi rezultātan stesse 24 mettan diskusiōnin. Ainuntan tāutan gruppi bijāi, kāi deklaraciōni wīrtlai būwusi swarewīngi argumēnti per gīmtans amzins padrūktinantin tenēisan tikrōmin per zemmin be wāldan. Stesse paggan prōjaktan pastāi blōkitan en 28 lapkrūtin 2006 mettas. Pa mōdificisnans deklaraciōni pastāi enīmtan en 13 spallinan 2007 mettas prei emprīkistalīsnan stēisan APW, Kānadan, Austrālijan be Nawazēlandan - tāutas sen zentlawingin pōpulaciōnin stēisan gīmtan amzin. Per enīmsnan bēi 144 tāutas.

Endilinsnā na tāutan tikrōmijan

Pirmā tautā, kawīda ast enimmusi šan deklaraciōnin en swajjan tikrōmin bēi Bōliwija. En 7 sallawan 2007 mettas prezidēnts Evo Morales ast papeisāwuns ensadīnsnan 3760 sēntin kōpija stesses Deklaraciōnin stēisan gīmtan amzin tikrōmin.

Ēnturs

Ēnturs ast preiēiminan en wikipēdijai stwi: Deklaraciōni stēisan gīmtan amzin tikrōmin - ēnturs

En kitēimans billins
Persōniskas pagaptis