Lūbawa

Iz Prūsiska Wikipēdija
Sākais en: nawigaciōni, laukīsna
Lūbawas zentlin

Lūbawa (pōl. Lubawa, miks. Löbau) - mīstan en wakkariskai Sasnan, pa dātan iz 30 sīmenes 2007, giwā stwi 9 417 zmūnei. Pra mīstan tēnka appi Sandīli.

Istōrija

Pirmas aps ezze Lūbawas zemmin, kawīds bilāi, kāi ekzistijja pils Lūbawa pertinka ezze 1216 mettan. Ezze stan bilāi dōkumentan papeisātan pra Innocentin III, en kawīdsmu tāns ast padrūktinuns prūsiskasmu bīskupan Christianan, kāi šis bīskups turri Lūbawas zemmin, kāigi dajā ezze etwartīntasmu prūsiskan wedikkan - Surwabuno. En 1269 pils bēi pernaikīntan pra Prūsans iz Semban. Mīstiskan tikrōman Lūbawa turri ezze 1311 mettan. En metāi 1466-1772 mīstan bēi en Pōlai. Ezze 1772 ērgi 1807 Lūbawa bēi en Prūsai, adder panzdau tāns bēi dātan per nawwai teīktan Wāršawiskan Firstistan. En II pussin stesse XIX mettasimtan stwi bēi spārtan deīktan stesses pōliskan amziskan skatīsnan en Prūsai. Ezze 1920 etkūmps en Pōlai. En kērdan stesses II swītiskan kareūsnan mīstan bēi pernaikīntan en 80%, galwai pra karrin stesse II Krēiwiskan Frōntin.

Mīstas zentlin

En zentlu ast bīskups Christians, kawīds nō šan prūsiskan zemmin ast perpīduns kriksțāniskwan. Tāns stalāi sirzdau dwāi garēi: līpan be kujjan.

Persōniskas pagaptis