Prēigara

Iz Prūsiska Wikipēdija
Sākais en: nawigaciōni, laukīsna
Prēigara prei Zurgūrbin
Prēigara en Kunnegsbarbu. Pa tikran salā Knīpawa sen Katēderin.

Prēigara - ukadebīka (pa prateksenin) appi en Prūsai, tēnka pra Nadrāuwan be teikāi araīkan sirzdau Nātangan be Semban. Teikāi si iz sēisnan stēisan dwāi appin - Instran be Wangrappin en mīstu Instrāpils. Enpalla en Aīstinmarin en Kunnegsgarbu. Prei Zūrgurbin etdelinna si ezze Prēigarai appi Dēimi, kawīda enpalla en Kursinmarin. Prei mīstan Wīlawa en Prēigaran enpalla appi Alnā. En Kunnegsgarbu na Prēigaran ast salā Knīpawa.

Ēnturs

Mistāi prei Prēigaran

Pabilisnā

En wūkiskans kērdans appi bēi zinātan kāigi Skara. En trisnadesīmtan mettasimtan dīgi bēi tērpautan pabilisnā Lipsa. Pagār ōficialin Prēigara, dīgi bēi tērpautan pabilisnā Preigillis/Preigilī.

En istōrijai

Enkērdan āntras prūsiskas senskīsnas Kunnegsgarbs bēi ebzūrgintan pra Prūsans be atakītan sen ebzūrgisnas mašīnis. Appi Prēigara bēi blōkitan pra prūsiskans lāiwans, kāi etpjaūtun Kunnegsgarban ezze pagalban iz jūrin. Panzdau dīgi ēn šan kakīnslin bēi zēidusis tiltan pra Prēigaran sen dwāi turmans na krāntans, adder en debīkan ūlinsnan mikšai ast pernaikinnusis šin tiltan.

Zentlisnā per transpōrtan

Ērgi gelzāpints sirzdau Kunnegsgarban be Instrāpilin bei zēistan, appi turēi debban zentlisnan per transpōrtan.

Persōniskas pagaptis