Undasklakēi

Iz Prūsiska Wikipēdija
Sākais en: nawigaciōni, laukīsna
Undasklākis
Undasklākes pērgimi: Echiniscus testudo

Undasklakēi (Tardigrada) - tīps stēisan zwīrin iz Panarthropoda. Engīrbautan en Protostomia.

Enbūwina šlaitawīdans sirdawiskwans, en galwasmu delīkan wilgans be undiskans. Enbūwinna ezze Himalājamans na aūktan 6000 m k.j.k ērgi ōceanans na gillu ērgi 4 000 m be ezze pōlin ērgi ekwatōran. Ast zinātan zūrgi 1000 pērgimins. Ilgan ezze 0.05 ērgi 1.2 mm. Sen kuslāi etšlaitīntan galwan be ketturins pūrans stēisan naggin. Gēidran adder stesses bārwin stesse īstan lāndan. Tenēi mūka enpaltwei en anabiōzis stānin - kwēi wissas gīwatas funkciōnis ast stalīntan.

Nirindewīngi etsparīngisku

Erzinātan kāigi ukaetsparīngei iz wissans pērgimans. En anabiōzis stānei mazzi pragiwītwei en temperatūrimans ezze abzōlutai nullin ērgi 150 °C. Pragīwa 1000 rēizan spārtaisin jōnizintan strīlausnan nikāi ainuntkawīds kits zwīrs. Mazzi pragiwītwei 100 mettans šlāit undan sāusinantei si ērgi 3 % undas be pragiwītwei gnesnan stēisan 6 000 atmōsferan.

En 2007 mettan undasklakēi pastāi tengīntan en kōsmas plattibin be stwen en pāustu dīlina na tennans kōsmiska be saūliska strilausnā. Pa etwartīnsnan mūisesku iz tennan bēi etwārtai gīwan be īr pagaūwa tūlnintun si. Beggi jōnizinti strilausnā ārdi DNA, undasklakēi turri mēkaniskans kāi reparīlai DNA.

En kitēimans billins
Persōniskas pagaptis