Welliskas Lēcbargs

Iz Prūsiska Wikipēdija
Sākais en: nawigaciōni, laukīsna
Welliskas Lēcbargas zentlin

Welliskas Lēcbargs (pōl. Lidzbark, miks. Lautenburg) - mīstan en pussideiniskai Sāsnan, zūrgi appin Wellin be Lēcbargiskan Azzaran. En mīstu gīwa 8 217 zmūnei (2012 mettan). En zūrgiskwai tinka dwāi tautāspawidas pārkai: Welliskas be Górzniskai-Lēcbargiskas.

Mīstan bēi teīktan jāu en 1301 mettan, na miksiskan tikrōman, dwāi mettai panzdau Urdens ast zēiduns pillin. Staddan ast di zēidus kīrkin stesse swintan Adalbertan, malūnan be rādasbuttan. Mīstiskan tikrōman Lēcbargs pagaūwa zūrgi 1325 mettan. En 1466-1772 Lēcbargs bēi en Pōlai, pa I Pōlis spellausnan mīstan tikka en Prūsijai. Prei Pōlin stan ast etwartinnus si en 1920 mettan. En kērdai stesses II swītiskan kareūsnan stan bēi pernaīkintan en 75%.

Lēcbargs ast tūristiskan mīstan, stwi ast tūlin hōtelai be gastrōnomiskai deīktai. Pārkai be azarāi ast brewīnslis, kawīdan paggan zmūnei rēide kāimalukei stan mīstan.

Persōniskas pagaptis